Хүжийгийн блог

Ажаад байхад манай мэдээллийн технологийн хүмүүс мэргэжлийн номоо англи хэл дээр үзээд ойлгоод байгаа юм шиг боловч яг үнэндээ эх хэл дээрээ үзэж байгаа шигээ бүрэн дүүрэн ойлгож авдаггүй бололтой. Олон зүйл дээр ажиглагдсан. Ялангуяа эхлэн суралцагчид анхнаасаа дутуу ойлгоод явчихаараа тэгээд ер нь л хэцүүхэн нөхцөлд сурдаг. Энэ байдлыг засахад жаахан ч гэсэн хувь нэмрээ оруулчих санаатай нэг ном бичих санаа байна. Номоо ерөнхийдөө LAMP (Linux Apache MySQL PHP/Perl) орчны зүйлсийг агуулахаар бодож байгаа.
Continue reading "PHP ном бичих санаатай"

Бие даалт 1-ийг хоёр хэсэг хуваан гүйцэтгэснийг та бүхэн мэдэж байгаа.

Эхний хэсэгт хамгийн гол нь классын удамшил, полимормизмын зарчим, интерфэйс ашиглах мөн түүнчлэн Exception класс ашиглах тухай үзсэн. Бүрэн кодыг эндээс авна уу! Энэ хэсэгт командын мөрөөс аргумент дамжуулж шалгаж байгаа үүнийг Eclipse дээр Run -> Arguments -> Program Arguments хэсэгт бичиж өгнө

Хоёр дахь хэсэгт Java хэлний оролт гаралтын тухай болон Collection классууд тэдгээрийг хэрхэн ашиглах боломжтойг үзсэн болно. Энэ хэсгийн оролт гаралтын хэсгийг бид 3 янзын түвшинд хийсэн бөгөөд системийн үндсэн оролт буюу гараас, файлаас, сүлжээнээс мэдээлэл авч гаргахдаа консол, файл, сүлжээ рүү гаргасан болно. Бүрэн кодыг эндээс авна уу! Энэ ажлаар та бүхэн хамгийн гол нь Java хэлний оролт гаралтыг урсгалуудын зарчмыг сайн ойлгож авсан гэдэгт итгэж байна. Эдгээрийг энд хялбараар тайлбарлахыг оролдлоо.
Continue reading ""Бие даалт 1" - ийн талаар"

Нээлттэй эхийн чиглэлээр ажиллаад 4 жил болжээ. Анх нээлттэй эхийн програм хэрэглэж эхэлсэн үеээ оруулбал 6 жил болох болов уу. Энэ хугацаанд Монголд нээлттэй эх хөгжүүлэх чиглэлд өөрийнхөө хирээр л зүтгэж ирсэн. Анх дангаараа sourceforge.net дээр phpDesk хэмээх төсөл эхлүүлэн ажиллаж байсан боловч тэр маань амжилттай болоогүй өөр багт шилжүүлсэн. Харин С.Бадрал зэрэг залуусын эхлүүлсэн OpenMN багийн гишүүн болсноор хүсэл маань илүү бодитой хэрэгжиж эхэлсэн билээ.

OpenMN хөгжүүлэгчдийн бөг дээр үндэслэн энэ багаа дэмжиж ажиллах OpenMN буюу Нээлттэй МН төрийн бус байгууллагыг хэдэн жилийн өмнө байгуулсан. Харин ажил хийгээгүй өдийг хүрсэн байлаа. Сүүлийн хэд хоногт идэвхтэй ярьсны дүнд ямар ч байсан Дөлмандахыг Гүйцэтгэх захирлаар ажиллуулахаар болсон.

Өчигдөр MUUG-аас зохиодог Unix Beer Party-д оролцлоо. Энэ удаа хамгийн гол нь ICTA-аас хүмүүс ирсэн байлаа. Гол нь яг юунд хүрэх гээд байгаа, юу хийх гэж байгааг тодорхой болгоод ирвэл бодлогоороо дэмжих боломж байгааг илэрхийлсэн нь маш чухал байлаа. Миний хувьд Монголд нээлттэй эхийг хөгжүүлэх гол арга зам нь төрийн нэгдсэн бодлоготойгоор ажиллах явдал гэдгийг сүүлийг хэдэн жилд маш сайн ойлгосон.


Continue reading "Нээлттэй эхийн талаар"

Banjig.Net ажиллаж эхэлснээс хойш дан өөрийн хөгжүүлсэн программ хангамжуудыг ашиглан өөрсдийн бэлдсэн агуулгыг нийт Монголчууддаа интернэтээр хүргэж ирсэн билээ. Харин сүүлийн үед гар утасны хэрэглээ зөвхөн ярих, мессаж бичихээр хязгаарлагдахаа больсон энэ цаг үед бид бүх зүйлсийг зөвхөн вэбээр явуулаад байх боломжгүй гэдгийг ойлгож байгаа.

Тиймээс бид одоо байгаа үйлчилгээнүүдээ гар утасны хувилбарт шилжүүлэх, гар утсаар дамжуулан төрөл бүрийн контентыг хэрэглэгчиддээ хүргэхээр судалж байна. Цаашид Ирмүүн, Ялгуун гишүүдийн үнэ цэнийг илүү нэмэгдүүлэх бодлого баримталж байгаатай холбогдуулан гар утасны контентуудад хандах боломжийг Ирмүүн, Ялгуун гишүүдэд илүү байхаар шийдэл гарах болов уу.

Нөгөө талаар бид өөрийн вэбийн одооны үнэ цэнийг гар утас руу авчрах гэж байгаа учраас Banjig.Net сайтын аль ч хэсгийг үзэж байсан ялгаагүй хэрэглэгч тухайн хэсгийн хүссэн зураг, дуу, дүрсийг шууд гар утас руугаа авах боломжийг олгох болно.
Continue reading "Гар утас бидний хүрэх ёстой орон зай"