Java сургалт

Хичээлд хэрэглэсэн лекцийн материалууд болон бусад нэмэлт материалуудыг та бүхэн эндээс файлаар нь авч үзэж байна уу? Хичээл орсон өдөр тухайн өдрийн материалуудыг байрлуулж байх болно.

• Эхний долоо хоног (J2EE Лекц): Лекц 1 - Хичээлийн агуулга
• Хоёр дахь долоо хоног (Java Beginner Лекц): Лекц 2 - Лекц 3
• Гурав дахь долоо хоног (Java Beginner Лаб): Бие даалт 1 - Бие даалт 1а хийсэн файлууд - Бие даалт 1б хийсэн файлууд
• Дөрөв дэх долоо хоног (Java Beginner Лаб):
• Тав дахь долоо хоног (J2EE Лекц): Лекц 4 - Лекц 5
• Зургаа дахь долоо хоног (J2EE Лекц): Лекц 6 - Лекц 7
• Долоо дахь долоо хоног (J2EE Лаб):
• Найм дахь долоо хоног (J2EE Лаб):
• Ес дэх долоо хоног (J2EE Лаб):
• Арав дахь долоо хоног (J2EE Лаб):
• Арван нэг дэх долоо хоног (J2EE Лаб):

Бие даалт 1-ийг хоёр хэсэг хуваан гүйцэтгэснийг та бүхэн мэдэж байгаа.

Эхний хэсэгт хамгийн гол нь классын удамшил, полимормизмын зарчим, интерфэйс ашиглах мөн түүнчлэн Exception класс ашиглах тухай үзсэн. Бүрэн кодыг эндээс авна уу! Энэ хэсэгт командын мөрөөс аргумент дамжуулж шалгаж байгаа үүнийг Eclipse дээр Run -> Arguments -> Program Arguments хэсэгт бичиж өгнө

Хоёр дахь хэсэгт Java хэлний оролт гаралтын тухай болон Collection классууд тэдгээрийг хэрхэн ашиглах боломжтойг үзсэн болно. Энэ хэсгийн оролт гаралтын хэсгийг бид 3 янзын түвшинд хийсэн бөгөөд системийн үндсэн оролт буюу гараас, файлаас, сүлжээнээс мэдээлэл авч гаргахдаа консол, файл, сүлжээ рүү гаргасан болно. Бүрэн кодыг эндээс авна уу! Энэ ажлаар та бүхэн хамгийн гол нь Java хэлний оролт гаралтыг урсгалуудын зарчмыг сайн ойлгож авсан гэдэгт итгэж байна. Эдгээрийг энд хялбараар тайлбарлахыг оролдлоо.
Continue reading ""Бие даалт 1" - ийн талаар"

Монгол Японы төвтэй ярилцсаны үндсэн дээр хичээлийн хуваарийг 3 долоо хоногоор сунган 1 удаагийн анхан шатны лекц, 2 удаагийн анхан шатны лаборатори орохоор боллоо.

Энэ нь маш шахуу гэдгийг та бүхэн ойлгож байгаа байх. Тиймээс аль болох бие даан их судлахыг хүсэж байна. Шаардлагатай программуудыг CD дээр хувилан тараахаар болсон ба бэлэн болонгуут энэ тухай ML (Mailing List)-ээр мэдэгдэх болно. Та бүхэн бэлэн болонгуут нь CD-гээ Монгол Японы төв дээрээс аваарай.

Энэ долоо хоногт анхан шатны лекц орох ба дараачийн 2 долоо хоногт дараалан лаборатори орох болно. Ирэх хичээл дээр анхан шатны лаборатори дээр хийх ажлын зааврыг тараах болно.

Мөн энэ вэбийг байнга шалгаж шинээр тавигдах дасгал болон, нэмэлт хичээлүүдийг байнга үзэж байна уу!

Монгол-Японы төвөөс анх надад хичээл заах тухай санал болгохдоо хичээлийн агуулга нь Java "2 Enterprise Connectivity" гэсэн сэдвийг хамрана гэсэн юм. Заагдах зүйлсийнх нь дэлгэрэнгүйг үзсэн ч гэсэн энэ нь Java хэл нилээн гайгүй гадарладаг хүмүүст заагдахаар сэдэв байлаа. Тийм ч учраас сургалтанд хамрагдах хүмүүсийг Java хэлний мэдлэгтэй байх ёстой гэсэн шаардлага тавьж байгаа гэж ойлгосон.

Харин эхний хичээлийн байдлаар нийт бүртгэгдсэн хүмүүсийн 85% орчим нь ирсэнээс эдгээрийн 80% орчим Java үзэж байгаагүй гэсэн тул хичээл заах явцдаа вэбээр болон бусад боломжит хэлбэрүүдээр анхан шатны материал хүргэж байхыг зорьж байгаа билээ.

4 дэх долоо хоногоос эхлэн лаборатори орж эхлэх тул та бүхэн энд тавигдах материалуудын дагуу аль болох өөрөө бие даан хичээл зүтгэлтэйгээр Java хэлний үндсэн мэдлэг олж авахыг хүсэж байна.
Continue reading "Анхан шатны сургалтын материал"