Хүжийгийн блог - Banjig.Net

Өөрийн бүтээлийг үнэлүүлэх боломж

nospam@example.com (Л.Хүрэлбаатар) — Tue, 20 Mar 2007 13:56:24 -0600

Банжиг Мэдлэг хэмээх үйлчилгээ нээгээд 3 сар орчим болж байна. Бид анхнаасаа энэ үйлчилгээг нилээд хэдэн чиглэлээр ажиллуулахаар төлөвлөсөн байсны зөвхөн эхний хэсэг нь болох асуулт хариулт, зөвлөгөөний хэсэг байсан юм.

Харин энэ удаа бас нэгэн чухал хэсэг болох Бүтээлүүд хэсгийг нээлээ. Энэ хэсгээр гишүүд өөрсдийн гар дээр байгаа өөрийн хийсэн дижитал хэлбэрээр хүмүүст хүргэж болох бүхий л төрлийн оюуны бүтээлийг хүмүүст худалдан худалдсан үнийн дүнгийн 60%-ийг өөртөө ашиг болгон авах боломж олгох үйлчилгээ юм.

Бүтээл гэдэг нэрийн доор олон зүйлийг ойлгож болно. Та жишээ нь оюутан байлаа гэхэд өөрийн хийсэн дипломын ажил, реферат, дадлагын тайлан гэх мэт зүйлсээ тохирсон үнээр нь үнэлэн байрлуулах боломжтой. Манай буюу компьютерийн мэргэжлийн хүмүүс ямар нэгэн программын гарын авлага эсвэл хүнд асуудал шийдсэн алгоритм энэ тэрээ ч худалдах боломжтой болох юм.

Та мөн заавал худалдахгүйгээр хүмүүст хүргэе, түгээе гэсэн зүйлээ үнэгүй байрлуулсан ч болно.

Монгол хүмүүс өөрийн оюуны бүтээлийг үнэлүүлж сурч байж улсаа хөгжүүлэх боломжтой гэсэн миний өөрийн хувийн болон хамт олны маань үзэл бодлын, чин эрмэлзлийн торгон ирийг хурцлан байж бид энэ салбарыг нээсэн билээ.

Ту удахгүй бид Банжиг Мэдлэг үйлчилгээг жинхэнэ мэдлэгийн эх уурхай болгох бас нэгэн үйлчилгээг танилцуулах болно. Мэдлэг улам ихээр түгэх болтугай.

BJobs.mn ажиллаж эхэллээ

nospam@example.com (Л.Хүрэлбаатар) — Wed, 17 Jan 2007 12:08:13 -0600

Удаан дуншсаны эцэст ерөнхийдөө ажиллаж эхэллээ. Мэргэжлийн хүний нүдээр бол үүнийг Beta хувилбар гэж ойлгох нь зүйтэй. Харин энгийн хэрэглэгчдийн нүдээр бол 90% орчим боломжууд нь бүрэн ажиллаж байгаа, ер нь бол ажиллаж эхэлсэн гэхэд болно доо.

Ерөнхий зарчмыг Yahoo! HotJobs-оос анх авч байсан боловч гадаадын ажил зууч олон талаараа Монголд байдгаас эрс ялгаатай тул бараг ихэнх зүйлийг Монголд тохируулан бодож боловсруулсан гэхэд болно.

BJobs.mn маань зөвхөн өөрөө ажилд зуучлаад зогсохгүй бусад ажил зуучийн байгууллагуудад ажил зуучийн үйл ажиллагаагаа BJobs.mn дээр тулгуурлан явуулах боломж олгож байгаагаара шинэлэг юм. Цаашид байнга ажиллах, олон талын хүчин зүйлсийн тооцоолсон зэргээрээ Монголдоо анхдагч гэж болох байхаа.

Анхных болохоор яг зах зээл дээрээ бидний боловсруулсан энэ загвар хир зэрэг амжилттай ажиллахыг мэдэхгүй байна. Хэрвээ зарим хэсэг нь амжилтгүй болвол зарчимд нь өөрчлөлт оруулаад л явах болов уу!

Юутай ч гэсэн эхлүүллээ. Хамтран ажилладаг Монголиа Дайрект ХХК-ийн хамт олон маань ч их хичээж ажиллах байх гэж найдаж байна.

Аа тийм технологийн хувьд BJobs.mn дээр нэг их нарийн хэрэглэсэн зүйл байхгүй. Маш энгийн хийгдсэн болно.

Банжиг Мэдлэг сайт бүрэн ажиллаж эхлэхэд бараг бэлэн боллоо

nospam@example.com (Л.Хүрэлбаатар) — Thu, 04 Jan 2007 12:43:28 -0600

Banjig.Net дээр Блог хийж байгаа тухай өмнө ярьж байсан. Энэ маань хараахан бэлэн болоогүй байгаа. Харин бид шинээр Банжиг Мэдлэг хэмээх үйлчилгээг бий болголоо. Та http://ask.banjig.net хаягаар орж үзээрэй. Ерөнхий зарчимын хувьд Yahoo! Answers-ийн клон гэж ойлгож болно. Yahoo! Answers-д байдаг үндсэн боломжуудыг бараг 80%-тай оруулсан. Тэгэхдээ бид Banjig.Net-ийн болон Монгол хэрэглэгчдийн онцлогт тохируулж олон зүйлийг өөрчилсөн. Жишээ нь энд хэрэглэгч бүр зөвлөгөө оруулах боломж, оноо авахын хирээр Банжиг Дансандаа нэгж хуримтлуулах боломж гээд олон зүйлийг нэрлэж болно.

Хөгжүүлэлтийн явц ерөнхийдөө beta түвшинд гэж ойлгож болно. Зарим төлөвлөсөн боломжууд жишээлбэл, булхайг илчлэх үйлдэл, хэрэглэгчийн асуулт сунгах болон хаахтай холбоотой үйлдлүүд, шошгийн хэрэглээ, сэтгэгдэл оруулах хэсгүүд локалаар туршигдаж байгаа бөгөөд ойрын өдрүүдэд үндсэн сайтаар дамжин туршигдаж эхлэнэ. Тэгэхлээр Банжиг Мэдлэг үйлчилгээ маань дахиад 7-10 хоног болоод бүрэн хэмжээгээр ажиллаж эхлэнэ гэсэн үг юм.

Банжиг Мэдлэг үйлчилгээг нээсэн хамгийн гол шалтгаан нь Монголчууд харилцан мэдлэгээ солилцож бие биедээ туслах явдал юм. Одоо монголчуудын түгээмэл хэрэглэдэг форум нь энэ хэрэгцээг хангахдаа туйлын учир дутагдалтайгаар барахгүй цөөн хэдэн Монголчуудыг маань хэрүүлчин болгож дуусгаад байгаа мэт санагддаг.

Харин Блог болохоор олон асуудал нэг доор төвлөрч чадахгүй нэг асуултад олон хүн шууд хариулах боломжоороо учир дутагталтай.

Yahoo! Answers мэтийн том сайтуудыг Монголчууд хэрэглээд нэгнийхээс асуултанд хариулна гэдэг худлаа. Тиймээс бид Банжиг Мэдлэгийг нээсэн.

Одоогоор Блог, Номын өргөө, Ажлын зууч үйлчилгээнүүдийг шинээр нээхийн зэрэгцээ хуучин үйлчилгээнүүдээ улам сайжруулах ажил хийгдэж байна. Номын өргөөний хувьд ямар ч зүйлийг дуурайхгүйгээр цоо шинээр хийнэ. Youtube энэ тэрийн зарим боломжуудаг тусгах асуудал гарах байхаа.

За за ойрд юу хийж байгаагаа нэг бичмээр санагдаад бичлээ. Уул нь Блог маань бэлэн болчихвол иймэрхүү зүйлсийг хувийн блог руу биш хөгжүүлэгчдийн блог болгоод салгамаар л байна. Яг одоо би Блогийг дуусгаад тэгээд http://hujii.bblog.mn хаягаар ороод анхныхаа бичиглэлийг хийх мөчөө тэсэн ядан хүлээж байна.

bd.mn means Business Directory of Mongolia

nospam@example.com (Л.Хүрэлбаатар) — Mon, 18 Sep 2006 16:33:01 -0500

Санамсаргүй байдлаар сууж байгаад эгчийнхээ нэрээр Banjig гэсэн домайн бүртгүүлээд тэгээд түүнээс хойш вэб програмчлал руу улмаар вэб, интернэтийн бизнест илүү татагдан орох болсон тэр өдөр маань 4 жилийн ард үлджээ.

Энэ хугацаанд олон зүйл болж өнгөрлөө. Харин нэг л юм өөрчлөгдөөгүй, энэ нь миний өөрийн хийх юмсан хэмээн дотроо хичээнгүйлэн хүсэж, завтай үедээ яаж хийх тухайгаа бодон явдаг зүйлс маань. Эдгээрийн нэг нь bd.mn юм.

Миний өөрийн бодлоор bd.mn маань b2b, b2c & c2b утгаараа Монголын анхдагч цогц сайтуудын нэг. Хийх гэж удаан бодсон, хийхдээ ч нилээн удсан, харин одоо тэр хирээрээ удаан амьдраасай л гэж хүсэж байна даа.

Олон хүн надаас асууж байсан. Жишээ нь бид ямар нэгэн шинэ үйлчилгээ гаргахад ямар opensource бэ? гэж, мэдэхгүй хүн ойлгохгүй, багахан мэддэг нь андахгүй, гайгүй мэддэг нь дургүй энэ асуулт нэг талаар Монголын программ зохиогчид, ялангуяа вэб программистууд юу хийж байдаг ямар түвшинд явааг илтгэх мэт санагддаг.
Continue reading "bd.mn means Business Directory of Mongolia"

Banjig. Бизнес лавлахын талаар нээлттэй өгүүлэх нь

nospam@example.com (Л.Хүрэлбаатар) — Mon, 03 Jul 2006 22:18:25 -0500

Бид маш шаргуу ажилласны дүнд ямартай ч зорьж байснаараа Banjig. Бизнес лавлах нэрийн доор Монголын Бизнесийн Нэгдсэн Лавлахыг босгоод авлаа. Мэдээж дутуу алдаатай зүйлс нилээд байгааг үгүйсгэхгүй. Тэгэхдээ хамгийн гол нь системийн маань логик маш зөв гарсан гэдгийг л баттай мэдэж байна. Иймээс цаашид энэ сайт маань улам сайжраад гараад өгсөн байхад гайхаад байх вм байхгүй гэсэн үг.

Яг одоо истем маань хамгийн чухал үндсэн зүйлс болох байгууллагуудын мэдээллийн сан, барааны каталоги, танилцуулах хуудаснууд, зургийн галлерей зэрэг хэсгүүдтэйгээс гадна систем маань бүхэлдээ Banjig.Net-ийн үндсэн цөм дээр тулгуурласан учраас үндсэн хэрэглэгчийн бүртгэлтэй хүмүүс шууд хэрэглэх боломжтой, мөн ажиллагааны хувьд харьцангуй хурдан, найдвартай гэж хэлж болно.

Одоогоор байгууллагууд харилцан мэдээлэл солилцох, хэрэглэгч шууд байгууллагатай холбоо барих, байгууллагууд өөрийн мэдээллүүдийг хэрэглэгчид хэрхэн үзсэн мэдээллийг дэлгэрэнгүй харах, хэрэглэгчийн мэдээллийн хэсгийг сайжруулах ажлууд эхнээсээ хийгдэн туршигдааад явж байгаа.
Continue reading "Banjig. Бизнес лавлахын талаар нээлттэй өгүүлэх нь"

Гар утас бидний хүрэх ёстой орон зай

nospam@example.com (Л.Хүрэлбаатар) — Tue, 02 May 2006 15:35:12 -0500

Banjig.Net ажиллаж эхэлснээс хойш дан өөрийн хөгжүүлсэн программ хангамжуудыг ашиглан өөрсдийн бэлдсэн агуулгыг нийт Монголчууддаа интернэтээр хүргэж ирсэн билээ. Харин сүүлийн үед гар утасны хэрэглээ зөвхөн ярих, мессаж бичихээр хязгаарлагдахаа больсон энэ цаг үед бид бүх зүйлсийг зөвхөн вэбээр явуулаад байх боломжгүй гэдгийг ойлгож байгаа.

Тиймээс бид одоо байгаа үйлчилгээнүүдээ гар утасны хувилбарт шилжүүлэх, гар утсаар дамжуулан төрөл бүрийн контентыг хэрэглэгчиддээ хүргэхээр судалж байна. Цаашид Ирмүүн, Ялгуун гишүүдийн үнэ цэнийг илүү нэмэгдүүлэх бодлого баримталж байгаатай холбогдуулан гар утасны контентуудад хандах боломжийг Ирмүүн, Ялгуун гишүүдэд илүү байхаар шийдэл гарах болов уу.

Нөгөө талаар бид өөрийн вэбийн одооны үнэ цэнийг гар утас руу авчрах гэж байгаа учраас Banjig.Net сайтын аль ч хэсгийг үзэж байсан ялгаагүй хэрэглэгч тухайн хэсгийн хүссэн зураг, дуу, дүрсийг шууд гар утас руугаа авах боломжийг олгох болно.
Continue reading "Гар утас бидний хүрэх ёстой орон зай"